Şəhidlərimiz — I Qarabağ Müharibəsi

Həsən Lətifov 1954-cü il yanvarın 13-də Gəncə şəhərində anadan olmuşdur. Ziyalı ailəsində böyüyən Həsən gənc yaşlarında ikən erməni qəsbkarlarına qarşı nifrət edirdi. İlk əmək fəaliyyətinə Xalça kombinatının əyricilik sexində başlamışdı. Əsgəri xidmətini Rusiyada çəkmişdi. Vətənin ağır günündə Kəpəz Rayon Hərbi Komissarlığı tərəfindən səfərbərliyə alınmış, Gəncə Özünümüdafiə batalyonunda vuruşmuşdu. Qorxubilməz, yenilməz əsgər idi. Bir sıra yerlərdə, eləcə də Çıldıran kəndi uğrunda döyüşlərdə erməni quldurlarına xeyli ziyan vurmuşdu.

Həsən Nurəddin oğlu Lətifov Ağdam ətrafında gedən qanlı döyüşlərin birində 22 sentyabr 1992-ci ildə  şəhidlik zirvəsinə ucalmışdı. Məzarı Gəncə Şəhidlər Xiyabanındadır.