Şəhidlərimiz — I Qarabağ Müharibəsi

Lazarev Qeorqi Nikolayeviç 9 iyun 1960-cı ildə Şəmkir rayonunun Leninkənd kəndində anadan olmuşdur. Hələ uşaq yaşlarında ikən ailəsi ilə birlikdə Gəncə şəhərinə köçmüşlər. Qeorqi Gəncə şəhər 39 saylı orta  məktəbi bitirmişdir. Qeorqi Lazarev orta məktəbi bitirdikdən sonra sovet ordusu sıralarında xidmət etmiş, hərbi xidmətdən qayıtdıqdan sonra Alüminium zavodunda işləmişdir. Qeorqi Lazarev 1991-ci ildə ailə qurmuş və iki övladı dünyaya gəlmişdir. Lazarev Qeorqi 1 noyabr 1993-cü ildə silaha sarılaraq cəbhəyə yollanmış, bir neçə döyüş tapşırıqlarında iştirak etmişdir. O, 27 dekabr 1993-cü ildə Ağdərə rayonu uğrunda gedən döyüşdə qəhrəmancasına həlak olmuş və 28 dekabr 1993-cü ildə Gəncə şəhər Şəhidlər Xiyabanında dəfn olunmuşdur.