Şəhidlərimiz — I Qarabağ Müharibəsi

Akif Qurbanov 1968-ci ildə Gəncə şəhərində anadan olmuşdur. 39 saylı məktəbin yetirməsi idi. Çox qabiliyyətli və savadlı bir gənc idi. Gəncə şəhər elektrik-Sənaye Texnikumunda oxumuşdur. Hərbi xidmətini Rusiyada keçirmişdir. Hərbi xidmətdən  qayıtdıqdan sonra 1989-cu ildə ailə həyatı qurmuş, Həbib adlı övladı dünyaya gəlmişdi.

Akif Qurbanov 1990-cı illərin əvvəllərində ermənilərin azğınlığına dözə bilməyərək könüllü olaraq cəbhəyə getmişdir. Bir müddət Tərtər bölgəsində şücaət göstərmişdir. Bir neçə kəndin müdafiəsində böyük qəhrəmanlıqla vuruşmuşdu.

Akif Qurbanov 1994-cü il may ayının 11-də itkin düşmüşdür. Oğlunun yoxluğuna dözməyən atası Qurbanov İsmayıl Həbib oğlu oğlunun vəfatından cəmi 8 ay sonra ömrünü başa vurmuşdu.