Şəhidlərimiz — I Qarabağ Müharibəsi

Quliyev Rəhman Polad oğlu 7 aprel 1969-cu ildə Goranboy rayonunun Qazaxlar kəndində anadan olmuşdur. O, Dəliməmmədli şəhərində yerləşən 102 saylı texniki-peşə məktəbini bitirmişdir. Rəhman Quliyev 1987-ci ilin may ayında həqiqi hərbi xidmətə çağırılmış, iki ilə yaxın Çita vilayətində xidmət etdikdən sonra qayıdıb Gəncə şəhər Büllur zavodunda işləmişdir. Rəhman Quliyev  ailə həyatı qurduqdan sonra 02 dekabr 1992-ci ildə Nizami Rayon Hərbi Komissarlığı tərəfindən səfərbərliyə alınmış, 002 saylı hərbi hissənin tərkibində Ağdamın mühafizəsində qəhrəmanlıqla vuruşmuşdur. Quliyev Rəhman Polad oğlu 9 fevral 1993-cü ildə Ağdam rayonunun Çıldıran kəndində gedən qızğın döyüşlərdə qəhrəmancasına şəhid olmuş, bir neçə aydan sonra isə ilk və sonuncu övladı dünyaya gəlmişdir.