Şəhidlərimiz — I Qarabağ Müharibəsi

Ağa Qocayev 1960-cı il avqustun 15-də Göygöl rayonunun Əlimədədli kəndində anadan olmuşdur. Ailədə 5 övlad olub, Ağa ailənin ikinci övladı olmuşdur. Ağa 9 saylı orta məktəbi bitirmişdir. Orta məktəbi bitirdikdən sonra 1978-1980-ci illərdə Novosibirsk vilayətində hərbi xidmətdə olmuşdur.

Ağa Qocayev 1980-ci ildə ailə qurmuşdur. Ağanın Vüsalə, İlahə, Əminə adlı üç balası var. Büllur zavodunda çalışan Ağa nankor ermənilərə nifrət edir. Ürəyi vətən eşqi ilə dolu idi.

Ağa Qocayev 1992-ci il fevralın 12-də Nizami Rayon Hərbi Komissarlığı tərəfindən səfərbərliyə alınmışdı. Könüllü olaraq döyüşlərdə iştirak etmişdir. 181 saylı hərbi hissədə sürücü idi. Bir neçə döyüş tapşırığını uğurla yerinə yetirmişdir. Ona verilən əmr və   tapşırıqları vaxtlı-vaxtında və layiqincə yerinə  yetirərdi. Ağdam, Füzuli, Tərtər, Ağdərə döyüşlərində iştirak etmişdir. Ağa Ağasi oğlu Qocayev 1993-cü il dekabrın 11-də Beyləqan rayonunda gedən ağır döyüşlərin birində  şəhidlik zirvəsinə ucalmışdır. Məzarı Gəncə Şəhidlər Xiyabanındadır.