Şəhidlərimiz — I Qarabağ Müharibəsi

Qədirov Rövşən Oruc oğlu 19 aprel 1965-ci ildə Şəmkir rayonunda anadan olmuşdur. Şəmkir rayon orta məktəbini bitirdikdən sonra 1983-cü ildə həqiqi hərbi xidmətə çağırılmış, Polşada xidmət etdikdən sonra 1985-ci ildə Azərbaycana qayıtmışdır. Rövşən Qədirov 1991-ci ildə ailə qurmuş, bir qız övladı dünyaya gəlmişdir. Qədirov Rövşən Oruc oğlu 21 yanvar 1993-cü ildə könüllü olaraq Ağdərədə yerləşən 701 saylı hərbi hissəyə yollanaraq erməni işğalçılarına qarşı vuruşmuş. 4 may 1994-cü ildə Ağdərənin müdafiəsi zamanı qəhrəmancasına həlak olmuş və 6 may 1994-cü ildə Şəmkirdə dəfn olunmuşdur. Şəhidin ruhuna hörmət əlaməti olaraq Şəmkir rayonunda yerləşən küçələrdən biri onun adını daşıyır.