Şəhidlərimiz — I Qarabağ Müharibəsi

Qazıyev Zülfüqar Talış oğlu 17 aprel 1970-ci ildə Gəncə şəhərində anadan olmuşdur. O, 27 saylı texniki-peşə məktəbini fərqlənmə diplomu ilə bitirdikdən sonra Gəncə şəhər Gil-Torpaq İstehsalat Birliyində qaynaqçı vəzifəsində işləmişdir. O, 2 dekabr 1992-ci ildə Kəpəz Rayon Hərbi Komissarlığı tərəfindən səfərbərliyə alınmış, 002 saylı hərbi hissənin tərkibində minamyotçu vəzifəsində erməni faşistlərinə qarşı amansız döyüşsə də, onun döyüş yolu qısa olmuş, 10 fevral 1993-cü ildə Ağdarə rayonunun Mehmanə dağında qəhrəmancasına şəhidlik zirvəsinə ucalmışdır. Meyiti Gəncə şəhərinə gətirilərək Gəncə şəhəri Şəhidlər Xiyabanında dəfn olunmuşdur.