Şəhidlərimiz — I Qarabağ Müharibəsi

Elxan Qafarov 1962-ci il mayın 21 də Gəncə şəhərində anadan olmuşdur. 1979-cu ildə Gəncə şəhər 25 saylı orta məktəbi bitirmişdir. Elxan 1979-cu ildə hərbi komissarlıq tərəfindən avtomobil sürücülüyü məktəbinə göndərilmişdir.

Elxan Qafarov 1982-ci ilin noyabrınadək Sovet ordusu sıralarında qulluq etmişdir. Hərbi xidməti bitirdikdən sonra Elxan 1984-1987-ci illərdə Orta Asiyada neft-qaz kəmərləri idarəsində işləmişdir. Elxan 1987-ci ildə vətənə qayıtmışdır. Elxan Qafarov 1988-ci ilin iyununda  ailə həyatı qurmuşdu. Üç uşaq atası idi. Qaçqınlar cəmiyyətinin nəzdində olan «Şəhriyar» kooperativində işləyirdi. Elxan Aydın oğlu Qafarov 1992-ci il martın 25-də Kəpəz Rayon Hərbi Komissarlığı tərəfindən səfərbərliyə alınmışdı. Fövqəladə Müdafiə Qərargahında xidmət etmişdir. Çox savadlı və səbirli bir hərbçi idi. Döyüş dostları arasında böyük hörməti var idi.

Elxan Aydın oğlu Qafarov 1992-ci ilin  aprelin 22-də Goranboy rayonu ətrafında gedən qızğın döyüşlərin birində həlak olmuşdur. Məzarı Gəncə  Şəhidlər Xiyabanındadır. Yaşadığı küçədə xatirə lövhəsi asılmış, adına bulaq açılmışdır. Oxuduğu 25 №-li məktəbdə şəkli vurulmuşdur.