Şəhidlərimiz — I Qarabağ Müharibəsi

Krivoquzov Şuriyyə Hamlet oğlu 7 iyun 1964-cü ildə Gəncə şəhərində anadan olmuşdur. O, 77 saylı texniki-peşə məktəbini bitirdikdən sonra Gəncə şəhəri Büllur zavodunda əmək fəaliyyətinə başlamış, sonra isə Gəncə şəhəri Maşınqayırma zavodunda elektrikçi vəzifəsində çalışmışdır. Şuriyyə Krivoquzov 1982-1984-cü illərdə həqiqi hərbi xidmətdən qayıtdıqdan sonra Gəncə şəhəri Maşınqayırma zavodunda əmək fəaliyyətini davam etdirmişdir. O, 18 mart 1992-ci ildə Kəpəz Rayon Hərbi Komissarlığı tərəfindən səfərbərliyə alınmış, 2-ci Gəncə taborunda qumbara atan vəzifəsində erməni faşistlərinə qarşı vuruşmuşdur. O, döyüş taktikası ilə zabitlərin diqqətini özünə cəlb etmişdir. Krivoquzov Şuriyyə Hamlet oğlu 22 iyun 1992-ci ildə Goranboy rayonunun Gülüstan kəndi uğrunda gedən qızğın döyüşdə şəhidlik zirvəsinə ucalmışdır. İgid həmyerlimiz ailəli olmuş, Lalə adlı bir qız övladı olmuş, ölümündən 3 ay sonra isə Yadıgar adlı ikinci övladı dünyaya gəlmişdir.