Şəhidlərimiz — I Qarabağ Müharibəsi

İsmayılov Qurban 1965-ci il   avqust ayının 20-də Gəncə şəhərində anadan olmuşdur. 9 saylı texniki-peşə  məktəbini bitirmişdir. Qurban İsmayılov 1984-1986-cı illərdə  Sovet ordusu sıralarında qulluq etmişdi. Qurban əsgərlikdən qayıtdıqdan sonra Yağ-piy kombinatında işləmişdir.

Könüllü olaraq Milli Ordu hissələrinə qoşulmuşdur. 172 saylı hərbi hissədə xidmət etmişdi. Marquşevan, Horağiz, Çaylı, Murovdağ döyüşlərində qəhrəmanlıqlar göstərmişdi. 

Göstərdiyi hərbi xidmətə görə hərbi hissə komandiri tərəfindən qiymətli əşyalarla mükafatlandırılan Qurban zabit heyətinin böyük hötmətini qazanmışdı. O, döyüşdə hər an öndə olardı. Düşmənin atəş nöqtələrinə təsiredici zərbələr endirərdi. Qurban Tofiq oğlu İsmayılov 1994-cü il mayın 9-da Murovdağda şəhid olmuşdu. Məzarı Gəncənin Şəhidlər Xiyabanındadır.