Şəhidlərimiz — I Qarabağ Müharibəsi

İsmayılov Mübariz Məcid oğlu 10 oktyabr 1963-cü ildə Qərbi Azərbaycanın Vedi rayonunda anadan olmuşdur. 1971-ci ildə Azərbaycana pənah gətirərək ailəsi ilə birlikdə Ağstafa rayonunun Kirovka (indiki Həsənsu) kəndində məskunlaşmışlar. Mübariz İsmayılov orta məktəbi bitirdikdən sonra 1981-1983-cü illərdə sovet ordusu sıralarında hərbi xidmətdə olmuş, hərbidən qayıtdıqdan sonra Gəncə şəhər «Lokomativ» deposunda maşınıst kimi əmək fəaliyyətinə başlamışdır. Mübariz İsmayılov könüllü olaraq cəbhəyə yollanmış, Ağdərə uğrunda gedən döyüşlərdə xidmət etmiş, 3 yanvar 1994-cü ildə erməni gülləsinə tuş gələrək həlak olmuşdur. 4 yanvar 1994-cü ildə Ağstafa rayonunun Həsənsu kəndində dəfn olunmuşdur. İki övlad atası olmuşdur. Şəhidin ruhuna hörmət əlaməti olaraq Ağstaya rayonunun Həsənsu kəndindəki küçələrdən biri mərhumun adını  daşıyır.