Şəhidlərimiz — I Qarabağ Müharibəsi

İsmayılov Əşrəf Məmməd oğlu 10 iyun 1973-cü ildə Kəlbəcər rayonunda anadan olmuşdur. Uşaq yaşlarında ikən ailəsi ilə birlikdə Gəncə şəhərinə köçmüş Əşrəf İsmayılov 10 nömrəli orta məktəbi bitirdikdən sonra 23 iyun 1992-ci ildə Kəpəz Rayon Hərbi Komissarlığı tərəfindən həqiqi hərbi xidmətə çağrılmış, 712 saylı hərbi hissənin tərkibində xidmət etmişdir. Komandirləri tərəfindən ona verilmiş döyüş tapşırıqlarını layiqincə yerinə yetirən Əşrəf İsmayılov barəsində dəfələrlə onun ailəsinə hərbi hissənin rəhbərliyi tərəfindən təşəkkürnamələr göndərilmişdir. İsmayılov Əşrəf Məmməd oğlu 11 avqust 1992-ci ildə Ağdərə rayonunda gedən ağır döyülərin birində düşmən gülləsinə tuş gələrək həlak olmuşdur.