Şəhidlərimiz — I Qarabağ Müharibəsi

İbrahimov Elxan Xəlil oğlu 1967-ci ildə Gəncə şəhərində anadan olmuşdur. O, 29 saylı orta məktəbi bitirdikdən sonra 1985-ci ildə həqiqi hərbi xidmətə çağırılmış, hərbidən qayıtdıqdan sonra Gəncə şəhərində Çini qablar zavodunda işləmişdir. O, milli azadlıq hərəkatında iştirak etmiş, öz istəyi ilə 16 avqust 1993-cü ildə Kəpəz Rayon Hərbi Komissarlığı tərəfindən cəbhəyə yollanmışdır, 181 saylı hərbi hissənin tərkibində xidmət göstərmişdir. Füzuli, Beyləqan rayonlarının müdafiəsində qəhrəmanlıq göstərmiş, erməni silahlı qüvvələrinə sarsıdıcı zərbələr endirmişdir. İbrahimov Elxan Xəlil oğlu 7 may 1994-cü ildə Beyləqan rayonunun müdafiəsində qəhrəmancasına həlak olmuş, meyiti Gəncə şəhərinə gətirilərək 8 may 1994-cü ildə Şəhidlər Xiyabanında dəfn edilmişdir.