Şəhidlərimiz — I Qarabağ Müharibəsi

İbrahimov Arzu Rafiq oğlu 18 iyun 1973-cü ildə Gəncə şəhərində anadan olmuşdur. O, Gəncə şəhəri 1 saylı orta məktəbin 8-ci sinfini bitirdikdən sonra təhsilini Şəmkir rayonunun Qılıncbəy kənd orta məktəbində davam etdirmişdir. Arzu İbrahimov orta məktəbi bitirdikdən sonra 1991-ci ildə Şəmkir Rayon Hərbi Komissarlığı tərəfindən həqiqi hərbi xidmətə çağrılmışdır. O, əvvəlcə Gədəbəy rayonunun Şınıx kəndində, 1994-cü il yanvar ayının 31-dən isə Murov dağında gedən döyüşlərdə xidmət etmişdir. 12 fevral 1994-cü ildə Arzugilin bölüyü geri qayıdanda Arzu Gədəbəyə qayıtmamış və onun Murovda itkin düşməsi təsdiq olunmuşdur. 1998-ci ildə məhkəmənin qərarına əsasən İbrahimov Arzu Rafiq oğluna şəhidlik statusu verilmişdir.