Şəhidlərimiz — I Qarabağ Müharibəsi

Xəlilov Rizvan Məmmədtağı oğlu 30 oktyabr 1962-ci ildə Qazax rayonunun Salahlı kəndində anadan olmuşdur. Salahlı kənd orta məktəbini bitirdikdən sonra təhsilini Gəncə şəhəri Yüngül Sənaye Texnikumunda davam etdirmişdir. Rizvan Xəlilov 1983-1985-ci illərdə sovet ordusu sıralarında xidmət etmişdir. Rizvan Xəlilov hərbi xidmətdən qayıtdıqdan sonra bir müddət Gəncədə yerləşən 777 saylı hərbi hissədə gizir kimi xidmət göstərmişdir. O, ailə qurmuş, 2 övladı dünyaya gəlmişdir. Sonradan Rizvan Xəlilov Qazax rayonunun müdafiəsinə yollanmış, bir neçə döyüş tapşırıqlarının yerinə yetirilməsində iştirak etmişdir. Xəlilov Rizvan Məmmədtağı oğlu 20 iyun 1991-ci ildə «Əksipara» əməliyyatı zamanı şəhid olmuşdur.