Şəhidlərimiz — I Qarabağ Müharibəsi

Xəlilov Elxan Məhərrəm oğlu 2 yanvar 1973-cü ildə Gəncə şəhərində anadan olmuşdur. O, 25 saylı orta məktəbin 8-ci sinfini bitirdikdən sonra 27 saylı texniki-peşə məktəbini bitirmiş, Alüminium zavodunda qaynaqçı vəzifəsində işləmişdir. Elxan Xəlilov 21 aprel 1992-ci ildə Kəpəz Rayon Hərbi Komissarlığı tərəfindən həqiqi hərbi xidmətə çağırılmış, ilk döyüş yolunu Çaylı və Marquşevan bölgələrindən başlamışdır. O, 3645 saylı hərbi hissənin tərkibində xidmət etmiş, şəxsi heyətin hörmətini qazanmış əsgərlərdən olmuşdur. Daha sonra daha bir neçə kəndin müdafiəsində iştrak edib böyük igidlik göstərmişdir. Xəlilov Elxan Məhərrəm oğlu 12 oktyabr 1992-ci ildə Sırxavənd uğrunda gedən qızğın döyüşlərdə qəhrəmancasına həlak olmuş və 13 oktyabr 1992-ci ildə Gəncə şəhəri Şəhidlər Xiyabanında dəfn olunmuşdur.