Şəhidlərimiz — I Qarabağ Müharibəsi

Xələfov Ədalət İbrahim oğlu 17 aprel 1956-ci ildə Qazax rayonunun Qaymaqlı kəndində anadan olmuşdur. O, Qaymaqlı kənd orta məktəbini bitirdikdən sonra 1984-cü ildə həqiqi hərbi xidmətə çağırılmış və 1986-cı ildə hərbidən vətənə qayıtmışdır. Ədalət Xələfov bir müddət yaşadığı kənddə təsərrüfatla məşğul olduqdan sonra Gəncə şəhərinə gəlmiş, burada Yağ-piy kombinatında mühafizəçi kimi işləmişdir. O, 22 iyun 1992-ci ildə Kəpəz Rayon Hərbi Komissarlığı tərəfindən əsgərliyə çağırılmışdır. Çavuş kimi xidmət göstərən Ədalət Xələfov 703 saylı hərbi hissədə tağım komandiri vəzifəsində çalışmış, bir neçə uğurlu əməliyyatlarda iştirak etmişdir. Xələfov Ədalət İbrahim oğlu 11 avqust 1993-cü ildə Ağdərə rayonunun müdafiəsi zamanı həlak olmuş və Şəhidlər Xiyabanında dəfn edilmişdir.