Şəhidlərimiz — I Qarabağ Müharibəsi

Hüseynov Qabil Lətif oğlu 5 mart 1966-cı ildə Şəmkir rayonunun Çinarlı qəsəbəsində anadan olmuş, Təzəkənd orta məktəbinin on illiyini bitirmişdir. 1984-1986-cı illərdə Almaniya Respublikasında həqiqi hərbi xidmətdə olmuşdur. Qabil Hüseynov hərbi xidmətdən qayıtdıqdan sonra Gəncə avtomobil zavodunun hesabına Ulyanovsk şəhərinə avtomobil-çilingəri peşəsinə yiyələnməsi üçün kurslara göndərilmişdir. O, Ulyanovsk şəhərində hərbi xidmətini başa vurub qayıtdıqdan sonra 1993-cü ildə Gəncə şəhəri Cihazqayırma zavodunda mühəndis vəzifəsində işləmişdir. Qabil Hüseynov Cihazqayırma zavodundan «Vətənpərvərlik qrupu» adı altında hərbi xidmətə aparılmış və ilk döyüş yolunu Totandan başlayan Qabil Hüseynov Füzuli rayonunun Veysəlli kəndinədək erməni işğalçılarına qarşı sıravi əsgər kim döyüşmüşdür. Qabil Hüseynov 05 fevral 1994-cü ildə Füzuli rayonunda gedən qızğın döyüşlərdə snayper gülləsinə tuş gələrək həlak olmuş, 6  fevral 1994-cü ildə Təzəkənd kəndində dəfn olunmuşdur.