Şəhidlərimiz — I Qarabağ Müharibəsi

Hüseynov Məhərrəm Əli oğlu 22 sentyabr 1955-ci ildə Şəmkir rayonunun Dəllər qəsəbəsində anadan olmuşdur. Sonradan ailəsi ilə birlikdə Gəncə şəhərinə köçmüşlər. Məhərrəm Hüseynov 1975-ci ildə hərbi xidmətdən qayıtdıqdan sonra «Ağac Emalı» zavodunun nəzdində yerləşən «Unuversal-3» kooperativində əmək fəaliyyətinə başlamışdır. 1 aprel 1992-ci ildə könüllü olaraq Gəncə ərazi özünümüdafiə batalyonuna yazılmış və 818 saylı hərbi hissənin tərkibində Drambon, Çıldıran, Həsənqaya, Seysuan, Yarımcan, Qırmızı Kənd, Aşağı çaylı, Yuxarı Çaylı, Marquşevan, Leninavan döyüşlərində iştirak etmişdir. O, döyüş bacarığı ilə yoldaşlarının böyük hörmətini qazanmış, ən çətin  döyüş tapşırıqlarını belə dəfələrlə layiqincə yerinə yetirmişdir. Hüseynov Məhərrəm Əli oğlu 11 noyabr 1992-ci ildə Ağdərənin Vəng kəndində düşmən gülləsinə tuş gəlmiş, 12 noyabr 1992-ci ildə onun meyiti Gəncə şəhərinə gətirilmiş və həmin gün Şəhidlər Xiyabanında dəfn olunmuşdur.