Şəhidlərimiz — I Qarabağ Müharibəsi

Hüseynov  Yaşar Bayram oğlu  1964-cü il   dekabrın  9-da Gəncə şəhərində anadan olmuşdur. Yoxsul ailədə böyüyən Yaşar 1982-ci ildə Gəncə şəhər 20 saylı dəmiryol orta məktəbini bitirmişdir. Orta təhsilini başa vurduqdan sonra 1983-1985-ci illərdə o, Almaniyada hərbi xidmətdə olmuşdu. O, əsgərlikdən qayıtdıqdan sonra əvvəlcə Toxuculuq kombinatında, sonra isə Gəncə şəhər Çini qablar zavodunda çilingər işləmişdi.

Azərbaycanın başı üstünü qara buLudlar alanda Yaşar Hüseynov 1992-ci ilin mart ayında könüllü surətdə cəbhəyə yollanmışdı. O, 730 saylı hərbi hissənin tərkibində Ağdərə-Tərtər bölgəsində vuruşmuşdu. Böyük qəhrəmanlıq göstərən Yaşar    komandirlər tərəfindən ona verilən əmr və tapşırıqları vaxtlı-vaxtında və  layiqincə yerinə yetirirdi. Göstərdiyi hərbi xidmətə görə dəfələrlə  qiymətli mükafatlara layiq görülmüşdür. Hüseynov   Yaşar Bayram oğlu 1992-ci il iyun ayının 28-də qızğın döyüşlərin birində düşmən gülləsinə tuş gələrək həlak olmuşdu. Məzarı Gəncə şəhər Şəhidlər Xiyabanındadır. Yaşadığı binaya Yaşar Hüseynovun xatirə lövhəsi vurulmuşdur.