Şəhidlərimiz — I Qarabağ Müharibəsi

Hüseynov Nadir Zülfüqar oğlu 21 noyabr 1956-cı ildə Gəncə şəhərində anadan olmuşdur. O, Gəncə şəhəri 20 saylı orta məktəbi bitirdikdən sonra 1983-cü ildə Yüngül Sənaye Texnikumuna daxil olmuş, oranı bitirdikdən sonra həqiqi hərbi xidmətə çağırılmış və Sverdlovsk şəhərində yerləşən Daxili Qoşun Hissələrində qulluq etmişdir. Teatra, səhnəyə böyük marağı olan Nadir Hüseynov hərbi xidmətdən qayıtdıqdan sonra Gəncə Dövlət Dram Teatrı və Kukla Teatrında aktyor kimi işləməyə başlamışdır. Nadir Hüseynov 1992-ci ilin oktyabr ayında könüllü olaraq Milli Orduya qoşulmuş, silaha sarılaraq vətənin müdafiəsinə yollanmış və Ağdam batalyonunda döyüşmüşdür. O, döyüş tapşırıqlarını layiqli və vaxtında yerinə yetirmiş, şəxsi heyətin böyük hörmətini qazanmışdır. Hüseynov Nadir Zülfüqar oğlu Ağdam rayonu ətrafında gedən qızğın döyüşlərin birində, 31 yanvar 1992-ci ildə yaralı vəziyyətdə düşmənin əlinə keçmiş, üç günlük dəhşətli işgəncələrdən sonra 2 fevral 1992-ci il tarixdə vəhşicəsinə qətlə yetirilmişdir.