Şəhidlərimiz — I Qarabağ Müharibəsi

Həsənov Fuad Ələkbər oğlu 1969-cu il noyabrın 8-də Gəncə şəhərində anadan olmuşdur. Fuad 34 saylı orta məktəbi bitirmişdir. 1987-1989-cu illərdə Tümen vilayətində həqiqi hərbi xidmətdə olmuşdur. Qayıtdıqdan sonra Billur zavodunda işləmişdir. O, 1990-cı ildə ailə həyatı qurmuş, 1992-ci il martın 14-də könüllü olaraq Qarabağ cəbhəsinə  getmişdi. Bir neçə kəndin müdafiəsində qəhrəmanlıq göstərmişdi. Torpaq, Vətən qeyrətini çəkən gənc idi. Erməniləri görən gözü yox idi.

Döyüş dostlarının yazdığına görə bir neçə uğurlu hərbi əməliyyatlarda fəal iştirak etmişdi. Fuad Ələkbər oğlu  Həsənov 1993-cü il mart ayının 21-də Daşaltı əməliyyatında şəhid olmuşdur. Məzarı Gəncə Şəhidlər Xiyabanındadır.