Şəhidlərimiz — I Qarabağ Müharibəsi

Həsənov Faiq Yaqub oğlu 1975-ci il yanvarın 20-də Gəncə şəhərində fəhlə ailəsində anadan olmuşdur. 1982-ci ildə Nekrasov adına 19 №-li orta məktəbin 1-ci sinfinə daxil olmuş, 1989-cu ildə həmin məktəbin 8-ci sinfini bitirmişdir.  Sonra Gəncə şəhərindəki Yüngül Sənaye texnikumuna daxil olmuşdur. Texnikumun axırıncı kursunda hərbi hissəyə çağırılmışdır. 

Faiq Həsənov 1994-cü ildə 19 yaşı tamam olan kimi cəbhəyə yollanmışdı. Qusarda üç ay hərbi təlim keçdikdən sonra Tərtərə göndərilmişdir. 703 saylı hərbi hissədə xidmət etmişdi. Ağdərə, Tərtər bölgəsində vuruşmuşdu. O, 3-cü sovxozda, Dəmirçilərdə, Qırmızıkənd kəndlərində vuruşmalarda olmuşdu.

Faiq Həsənov göstərdiyi hərbi şücaətə görə xidimət etdiyi hərbi hissədə böyük hörmət qazanmışdı. Onun hərbi uğurlarının əsas səbəbi onda idi ki, Faiq çox səbirli, təvazökar, diqqətli idi. Dəfələrlə düşmənə dəqiq zərbə vurmuşdu. Bir neçə uğurlu hərbi əməliyyatlarda iştirak etmişdi. Döyüşlərin birində sol ayağından yaralanan Yaqub 1 ay hərbi hospitalda müalicə olunduqdan sonra yenidən döyüş bölgəsinə qayıtmışdır.

Həsənov Yaqub Faiq oğlu 1994-cü il avqustun 22-də Qırmızıkənd uğrunda gedən ağır döyüşdə qəhrəmancasına şəhid olmuşdu. Məzarı Gəncənin Şəhidlər Xiyabanındadır.