Şəhidlərimiz — I Qarabağ Müharibəsi

Həsənov Ceyhun Oruc oğlu 1969-cu il martın 22-də Gəncə şəhərində anadan olmuşdur. Əvvəlcə 22 №-li orta məktəbi, sonra 1986-cı ildə 15 saylı texniki peşə məktəbini bitirmişdir. Həm qaynaqçı, həm də sürücü peşəsinə yiyələnmişdi. Bir müddət Dəmir-beton məmulatı zavodunda, sonra isə Abadlaşdırma trestində sürücü işləmişdir. 1987-1989-cu illərdə Amur vilayətində hərbi xidmətdə olmuşdur.

Ceyhun Həsənov 1993-cü ildə  hərbi xidmətə çağırılmış, 709 saylı hərbi hissədə atıcı vəzifəsində xidmət etmişdi. Tərtər-Ağdam döyüş bölgəsində fəallıq göstərmişdi. Göstərdiyi hərbi xidmət   zabit heyəti tərəfindən layiqincə qiymətləndirilmişdir. Gülablı, Selli, Boyəhmədli kəndlərinin müdafiəsində iştirak etmişdi.

Həsənov Ceyhun Oruc oğlu 1993-cü il iyun ayının 24-də Boyəhmədli kəndində şəhid olmuşdur. Gəncə Şəhidlər Xiyabanında dəfn olunmuşdur.

Mərhumun doğma mənzilinə xatirə lövhəsi vurulmuşdur. Mərhumun ruhuna hörmət əlaməti olaraq 3 yerdə xatirə bulağı inşa edilib. Şücaətinə görə «İgidliyə görə»   medalı ilə təltif olunmuşdur. Məzarı üzərindəki lövhədə aşağıdakı bir parça şer yazılmışdı.