Şəhidlərimiz — I Qarabağ Müharibəsi

Həsənov Çərkəz Muxtar oğlu 21 fevral 1965-ci ildə Qazax rayonunun Musaköy kəndində anadan olmuşdur. Həmin kənddə orta məktəbin 8-ci sinfini bitirdikdən sonra Gürcüstan Respublikasının Rustavi şəhərinə gedib orada qaynaqçı peşəsinə yiyələnmişdir. Çərkəz Həsənov 1983-cü ildə həqiqi hərbi xidmətə çağırılmış, iki il Çexoslovakiyada xidmət etdikdən sonra yenidən Rustavi şəhərinə qayıdıb oradakı İslah əmək koloniyasında mühafizə rəisi vəzifəsində işləmişdir. Çərkəz Həsənov 1987-ci ildə ailə qurmuş, iki övladı dünyaya gəlmişdir. Çərkəz Həsənov Gəncədə 5477 saylı (indiki 17072 saylı daxili qoşunlar) hərbi hissənin avtomobil bölüyündə gizir işləmişdir. Çərkəz Həsənov tez-tez cəbhəyə gedərək milli ordunun döyüş bölgəsində olan hissələrinə ərzaq aparmışdır. Həsənov Çərkəz Muxtar oğlu sonuncu dəfə 19 iyul 1992-ci ildə Ağdərə rayonunun Artek-Umudlu kəndləri ərazisində döyüş tapşırığını yerinə yetirən zaman itkin düşmüşdür.