Şəhidlərimiz — I Qarabağ Müharibəsi

Hacıyev Altay Eyyub oğlu 11 aprel 1973-cü ildə Qərbi Azərbaycanın Vardenis rayonunun Zod kəndində anadan olmuş, 1988-ci ildə məlum hadisələrlə əlaqədar olaraq Gəncə şəhərinə pənah gətirmişlər. O, 9 saylı orta məktəbi bitirdikdən sonra 1991-ci ilin may ayında həqiqi hərbi xidmətə çağırılmış və 3 aya yaxın Moskva şəhərində xidmət etdikdən sonra Azərbaycana qayıtmış, könüllü olaraq 1992-ci ilin yayında Kəpəz Rayon Hərbi Komissarlığı tərəfindən xidmətə getmişdir. Altay Haıyev 702 saylı hərbi hissənin tərkibində Füzuli rayonunda xidmət göstərmiş, 14 avqust 1993-cü ildə Füzuli rayon Qızılqaya bölgəsində döyüş əməliyyatını yerinə yetirərkən itkin düşmüşdür.