Şəhidlərimiz — I Qarabağ Müharibəsi

Abbasov Rafiq İbrahim oğlu 8 iyun 1970-ci ildə Gədəbəy rayonunun Herkinaz kəndində anadan olmuşdur. 1988-ci ildə həmin kənddə orta məktəbi bitirdikdən sonra həqiqi hərbi xidmətə çağırılmış, 2 il Qazaxıstanda xidmət göstərdikdən sonra Azərbaycana qayıtmışdır. Rafiq Abbasov 18 noyabr 1990-cı ildə ailə qurmuş və 2 övladı dünyaya gəlmişdir. Rafiq Abbasov 1991-ci ildə könüllü olaraq silaha sarılaraq cəbhəyə yollanmış, Ağdam, Ağdərə uğrunda gedən döyüşlərdə layiqli xidmət göstərmişdir. Abbasov Rafiq İbrahim oğlu Ağdam rayonunda 709 saylı hərbi hissənin tərkibində xidmət göstərən zaman 8 iyul 1993-cü ildə itkin düşmüş, Kəpəz Rayon Məhkəməsinin 2-2432001 nömrəli qətnaməsi ilə ölmüş elan edilmişdir.