Şəhidlərimiz — I Qarabağ Müharibəsi

Əzizov Mehman Qüdrət oğlu 23 yanvar 1959-cu ildə Xocalı rayonunda anadan olmuşdur. O, Xocalı rayon orta məktəbinin 8-ci sinfini bitirdikdən sonra sürücülük peşəsinə yiyələnmişdir. 1977-1979-cu illərdə sovet ordusu sıralarına çağırılaraq Amur vilayətində xidmət etmişdir. Mehman Əzizov hərbi xidmətdən qayıtdıqdan sonra Əsgəran rayonundakı mərkəzi xəstəxanada təcili tibbi yardım avtomobilini idarə etmişdir. Mehman Əzizov 1980-ci ildə ailə həyatı qurmuş və 3 övladı dünyaya gəlmişdir. Mehman Əzizov erməni işğalçılarına qarşı həmişə nifrət hissi ilə yaşamış, Xocalı rayonunun müdafiəsində böyük igidlik göstərmişdir. Nəhayət, 26 fevral 1992-ci ildə Əzizov Mehman Qüdrət oğlu Xocalı rayonunun müdafiəsində ermənilərə əsir düşmüşdür. Deyilənlərə görə, ermənilər Mehmanı əsir tutanda çox sevinirlərmiş. Belə ki, Mehman çoxlu erməni öldürdüyünə görə ermənilər onu diri  tutmağı qərara almışlar.