Şəhidlərimiz — I Qarabağ Müharibəsi

Əsgərov Həşim İlham oğlu 4 aprel 1981-ci ildə Gəncə şəhərində anadan olmuşdur. Kasıb ailədə böyüyən Həşim 22 saylı orta məktəbi bitirdikdən sonra həqiqi hərbi xidmətə çağırılmış və Şahbuz rayonu ərazisində yerləşən 050 saylı hərbi hissədə 1 il 6 aya yaxın   xidmət etmişdir. 13 avqust 2000-ci il tarixdə sərhəd məntəqəsində ermənilərlə təxminən 27 dəqiqəyə yaxın davam etmiş atışma zamanı zabit yoldaşı ilə birlikdə ermənilər tərəfindən atılan güllə atəşinə tuş gələrək həlak olmuşdur. 14 avqust 2000-ci il tarixdə bir gün saxlanıldıqdan sonra Həşim Əsgərovun meyiti geri alanmış, avqust ayının 14-də Gəncə şəhərinə gətirilib ailə üzvlərinə təhvil verilmişdir. Cəsur döyüşçü Gəncə şəhər Şəhidlər Xiyabanında dəfn edilmişdir.