Şəhidlərimiz — I Qarabağ Müharibəsi

Əliyev Samir Eyyub oğlu 1975-ci il avqustun 1-də Gəncə şəhərində anadan olmuşdur. O, İmaməddin Nəsimi adına 44 saylı orta məktəbin 8-ci sinfini bitirmişdir. 1989-cu ildə «Metallurq» mədəniyyət sarayında qarmon dərsi aldıqdan sonra, 38 saylı texniki-peşə məktəbində elektrik qaynaqçısı peşəsinə yiyələnmişdir. Samir Əliyev 1993-cü il oktyabrın 11-də Kəpəz Rayon Hərbi Komissarlığı tərəfindən həqiqi hərbi xidmətə çağırılmışdır. O, 888 saylı hərbi hissədə xidmət etmişdir. Samir Əliyev 1994-cü il yanvarın 7-də Ağdamın Güllücə kəndinin müdafiəsində igidliyi ilə fərqlənmişdir. Göstərdiyi hərbi xidmətə görə hərbi hissə komandiri tərəfindən fəxri fərmanla təltif olunmuşdur.

Samir Eyyub oğlu Əliyev 1994-cü il aprelin 17-də Ağdərə uğrunda döyüşlərdə şəhid olmuşdur.