Şəhidlərimiz — I Qarabağ Müharibəsi

Əliyev Rövşən Həsən oğlu 25 mart 1958-ci ildə Goranboy rayonunun Əzizbəyov kəndində anadan olmuşdur. Rövşən Əliyev uşaq ikən valideynləri ilə birlikdə Gəncə şəhərinə köçüb burada məskunlaşmışlar. O, 1975-ci ildə hərbi xidmətini başa vurduqdan sonra Gil-Torpaq İstehsalat Birliyində əmək fəaliyyətinə başlamışdır. Erməni faşistlərinin 26 fevral 1992-ci il tarixdə törətdikləri Xocalı soyqırımından sonra Rövşən Əliyev Kəpəz Rayon Hərbi Komissarlığının xətti ilə cəbhəyə yollanmış, 773 hərbi hissənin tərkibində artilleriya tuşlayıcısı vəzifəsində xidmət etmişdir. O, Laçın, Cəbrayıl bölgələrində düşmənin silahlı qüvvələrinə qarşı amansız mübarizə aparmışdır. Əliyev Rövşən Həsən oğlu 14 avqust 1992-ci il tarixdə Şiştəpə yüksəkliyi uğrunda səkkiz saata yaxın davam etmiş qızgın döyüşdə həlak olmuşdur.